Melanie Hamer

Roedd Melanie yn un o’r ddau bartner gwreiddiol yn y cwmni yn 1996 wedi cymhwyso fel Cyfreithiwr yn 1989 gydag Eversheds, Caerdydd. Mae’n arweinydd yn ei maes mewn Siambrau lle mae’r cwmni yn y band uchaf ac mae ganddi brofiad sylweddol mewn ysgariadau lle’r ymdrinnir â symiau mawr o arian.

Mae Melanie wedi bod yn aelod o Banel Plant Cymdeithas y Gyfraith ers 1996, gan ei galluogi i gynrychioli plant. Roedd yn un o’r ddau gyfreithiwr cyntaf yng Nghymru i gael mynediad i banel arbenigol Cymdeithas Cyfreithwyr Cyfraith Deulu ( Resolution ).

Caiff Melanie ei hystyried gan ei chyfoedion fel un o’r cyfreithwyr cyfraith deulu amlycaf yn Ne Cymru. Mae’n ymgynghorwr cyfreithiol i Grwp Gofal Maeth Cymru; yn gymdeithasydd o’r Lady Taverners; yn aelod gweithredol o’r gymuned fusnes leol.

Fe’i cyfwelir yn rheolaidd ar y radio ynghylch materion cyfraith deulu cyfoes.

Thea Hughes

Ar ôl cychwyn ei gyrfa gyfreithiol yn Eversheds, Caerdydd, symudodd Thea i arwain cangen o gwmni Hugh James, cyn ymuno â’r cwmni fel Cymdeithasydd yn 1997. Daeth wedyn yn Bartner yn 1998.

Caiff Thea ei chyfrif gan ei chyfoedion fel un o’r cyfreithwyr cyfraith deulu gorau yn Ne Cymru. Gall Thea gynghori ar chwalu perthynas, os yw’r partïon yn briod neu’n ddi-briod, ac mae’n darparu safbwynt cytbwys er mwyn dod i gasgliad teg.

Mae Thea yn ymdrin â holl agweddau cyfraith deulu ac mae ar Banel Cyfraith Deulu Cymdeithas y Gyfraith. Mae’n arbenigo yn y materion ariannol sy’n codi wedi ymwahanu/ysgariad ac mae ganddi wybodaeth a phrofiad eang yn y maes hwn. Mae hefyd yn ymdrin ag achosion â gwerth net uchel, yn cynnwys achosion sy’n ymwneud ag enillwyr y loteri.

Mae Thea yn cyfrannu’n rheolaidd i storïau cyfoes ar newyddion radio a theledu.

Rhian Howells

Ymunodd Rhian â’r cwmni yn 2006 fel Partner. Cymhwysodd Rhian fel cyfreithiwr yn 1988 ac mae wedi bod yn aelod o Banel Cyfraith Deulu Uwch ers 2002. Mae hefyd yn aelod o Resolution.

Cyn ymuno â’r cwmni, roedd Rhian yn bartner ac yn bennaeth Adran Cyfraith Deulu yn David & Snape. Mae Rhian yn Ganolwr Achrededig ac mae’n delio â holl agweddau Cyfraith Deulu.

Mae gan Rhian flynyddoedd lawer o brofiad mewn delio ag achosion cymhleth preifat Deddf Plant a gwaith cymorth atodol Asedau Uchel.

Mae Rhian yn aelod o Rwydwaith Menywod Busnes y Fro.

Dianne Evans

Ymunodd Dianne â’r cwmni ym Mai 2003. Mae’n un o ymarferwyr ewyllysiau a phrofeb mwyaf profiadol Caerdydd. Gweithiai Dianne yn flaenorol gyda dau o bartneriaid y cwmni yn Eversheds lle roedd Dianne yn bennaeth yr Adran Brofeb. Mae’n aelod sefydlu’r Gymdeithas Ymddiriedolaeth ac Ymarferwyr Ystadau ac yn Gymrawd Cymdeithas y Gweithredwyr Cyfreithiol.

Kate Edwards

Ymunodd Kate â’r cwmni ym Medi 2006. Cymhwysodd yn Ebrill 2006 ac ers hynny mae wedi arbenigo mewn cyfraith deulu. Treuliodd ei blynyddoedd hyfforddi ym maes cyfraith deulu a lles cymdeithasol.

Mae gan Kate gysylltiadau cryf â llawer o elusennau Cymorth i Fenywod yn lleol (mae’n Is-gadeirydd un ohonynt) ac mae’n cefnogi dioddefwyr cam-drin domestig. Mae’n darlithio ar y pwnc yn rheolaidd ar lefel genedlaethol.

Mae hefyd yn delio â materion eraill sy’n ymwneud â chyfraith deulu gan ymgymryd â dadleuon cyswllt ac achosion o ysgariad.

Mae Kate wrthi’n frwd ac yn eiddgar yn codi arian i elusennau.

Lorraine Watts

Ymunodd Lorraine â’r cwmni fel Cyfreithiwr dan Hyfforddiant yn 2005 a chymhwysodd fel Cyfreithiwr Cynorthwyol yn y tîm cyfraith deulu yn 2007. Mae Lorraine yn arbenigo ym mhob agwedd o gyfraith deulu.

Graddiodd o Brifysgol Brookes Rhydychen gyda gradd mewn hanes a’r gyfraith ac wedyn teithiodd o gwmpas De-Ddwyrain Asia ac Awstralia ar ei blwyddyn allan. Mynychodd ysgol y gyfraith yng Ngholeg y Gyfraith yn Guildford, Surrey.

Elizabeth Williams

Graddiodd Elizabeth o Brifysgol Exeter yn 2004 wedi astudio’r Gyfraith. Wedyn mynychodd Brifysgol Gorllewin Lloegr i ddilyn y Cwrs Ymarfer Cyfreithiol, gan lwyddo ynddo yn 2005.

Cychwynnodd Elizabeth ei gwaith gyda Phractis Cyfraith Deulu Wendy Hopkins yn 2005 fel cyfreithiwr dan hyfforddiant a chymhwysodd fel Cyfreithiwr yn 2007. Mae’n arbenigo ym mhob maes o gyfraith deulu sy’n cynnwys cyd-fyw, ymwahanu, ysgaru, materion ariannol a Deddf Plant.

Mae Elizabeth yn siarad Cymraeg yn rhugl.

Nia Roberts

Graddiodd Nia o Brifysgol Caerdydd yn 2003 ar ôl astudio’r Gyfraith a Ffrangeg. Astudiodd yn ogystal yn Université de Picardie Jules Verne, Amiens, France. Yna ymgymerodd Nia â’r Cwrs Ymarfer Cyfreithiol ym Mhrifysgol Caerdydd, gan ennill clod mewn cyfraith deulu. Gweithiodd i ddau gwmni cyfreithiol mawr cyn ymuno â Phractis Cyfraith Deulu Wendy Hopkins fel cyfreithiwr dan hyfforddiant yn 2006. Cymhwysodd Nia yn Ionawr 2008 gan arbenigo ym mhob maes o gyfraith deulu.

Mae Nia wedi darlithio ar lefel genedlaethol ar faterion yn ymwneud â cham-drin domestig.

Mae Nia yn nofwraig gref ac mae hefyd yn mwynhau tennis a rygbi.

Adam Frewen

Ymunodd Adam â’r cwmni ym Medi 2007 fel Cyfreithiwr dan Hyfforddiant ar ôl graddio o Brifysgol Aberystwyth.

Addysgwyd Adam yn Ysgol Gyfun Llanhari ac mae’n siarad Cymraeg yn rhugl.

Mae Adam yn chwaraewr rygbi a phêl-droed brwd ac mae yn y gorffennol wedi cymryd rhan mewn cyfres deledu cyfrwng Cymraeg.