Pan fydd gwr neu wraig briod yn ymwahanu, mae angen datrys eu sefyllfa ariannol. Mae gennym yr arbenigedd i gynghori a chynorthwyo cleientiaid i gwblhau materion o’r fath. Rydym yn cynghori gwyr a gwragedd priod i drafod materion yn uniongyrchol, neu drwy gyfryngiad, gyda chyngor oddi wrthym ni cyn dod i unrhyw gytundeb.

Os na ellir dod i gytundeb, gellir gwneud cais drwy’r Llys. Mae’r Llys yn gosod amserlen sy’n mynnu bod pob gwr priod neu wraig briod yn llenwi datganiadau ariannol manwl gyda dogfennaeth gefnogol. Rydym wedyn yn cysylltu â chi i baratoi datganiad o faterion, holiadur a chronoleg. Wedyn ceir apwyntiad cyntaf yn y Llys lle bydd Barnwr yn amlinellu agenda ar gyfer eich achos a fydd fel arfer yn cynnwys dyddiad ar gyfer apwyntiad ar gyfer apwyntiad Penderfyniad Dadl Ariannol (FDR). Pwrpas y FDR yw gweld a yw’n bosibl dod i setliad ariannol cyffredinol. Yn aml, cyflawnir hyn a bydd y Barnwr wedyn yn gwneud Gorchymyn. Os nad yw’n bosibl dod i setliad yn y cyfnod hwnnw, bydd y Barnwr yn gosod dyddiad ar gyfer gwrandawiad terfynol.

Gall graddfa amser gyffredinol yr achosion hyn gymryd rhwng naw i ddeuddeg mis. Mae’r mwyafrif helaeth o achosion yn setlo drwy gytundeb heb yr angen am wrandawiad terfynol.