Daeth Deddf Partneriaeth Sifil 2004 i rym ar 5ed Rhagfyr 2005 ac mae'n galluogi cwpwl o'r un rhyw i gofrestru fel partneriaid sifil i'w gilydd.

Ni ellir terfynu partneriaeth sifil ond drwy farwolaeth, dirymiad neu ddiddymiad. Mae diddymiad yn broses a seilir yn y Llys a'r un sail dros ddiddymiad yw bod y bartneriaeth wedi chwalu y tu hwnt i adfer. I brofi hyn mae'n rhaid bod un o bedair ffaith bosib gan gynnwys ymddygiad afresymol, a chyfnod o ddwy flynedd o leiaf o ymwahanu.

Cofnodir Deiseb am Ddiddymiad gyda'r Llys gan Ddeisebydd ac fe'i gosodir ar y partner arall sydd wedyn yn cael cyfle i ymateb. Os na ddadleuir yn erbyn y Ddeiseb, mae'r Deisebydd wedyn yn cynnig am Orchymyn Amodol (cam hanner ffordd) i'w gyhoeddi gan y Llys. Bydd y Llys yn caniatáu'r Gorchymyn Amodol os yw'n fodlon fod y Deisebydd wedi profi'i achos/hachos. Chwe wythnos ac un diwrnod wedi cyhoeddi'r Gorchymyn Amodol, gall y Deisebydd wneud cais am y Gorchymyn Terfynol.

Pan fydd partneriaid sifil yn ymwahanu, mae angen datrys eu sefyllfa ariannol. Mae gennym yr arbenigedd i gynghori a chynorthwyo cleientiaid i gwblhau materion o'r fath. Rydym yn cynghori partneriaid blaenorol i drafod materion yn uniongyrchol, neu drwy gyfryngiad, gyda chyngor oddi wrthym ni cyn dod i unrhyw gytundeb. Os na ellir dod i gytundeb yna gellir gwneud cais drwy'r Llysoedd, Mae'r rhan helaethaf o achosion yn setlo drwy gytundeb heb yr angen am wrandawiad terfynol.